عبيد يا مصر فى ارض الحرم
20 سنه سجن +300 جلدة 15 سنه سجن +1500 جلدة دا كان اغرب حكم سمعته فى حياتى وفى تاريخ الشريعه الاسلاميه.....الحكم دا كان فى السعوديه ... اتحكم بيه على اتنين دكاترة مصريين
المصدر بتاعى :- برنامج الحقيقه
القصه .........الدكتور رؤوف والدكتور ابراهيم ......
الدكتور رؤوف متزوج ومراته واولادة فى مصر وهو سافر السعوديه لتحسين الدخل .....
الدكتور ابراهيم خد ابنه ومراته معاه هناك ....
العقد بتاعهم كان تابع الخارجيه .... طلعتلهم عقد لمستشفى سعودى كانوا عاملين معاها مقاطعه لانها مستشفى سيئه السمعه ومع ذلك لم يبلغ الطبيبان بذلك ....
وتدور الايام بالاتنين ويوصلوا بانهم يبقوا من ضمن الطقم المعالج للطبقه الملوك والامراء .... ابراهيم ورؤوف كانوا بيعلجوا اميرة سعوديه مدمنه من عشر سنين يعنى قبل ما هم يسافروا ويروحوا السعوديه ....
ومن هنا تتعدد الحكايات :-- بيقولوا هناك ان الدكاترة المصريين هم المسؤلين عن ادمان الاميرة .. وانهم هم اللى ادوها ادويه حقن لحد ما ادمنت
وعشان كده تم الحكم عليهم كاتى ابراهيم:- 20 سنه سجن +300 جلدة مقسمه على مراحل (75 جلدة كل 15 يوم )رؤوف :- 15 سنه سجن + 1500 جلدة بنفس التقسيمه -
والغريبه ان الدكتور رؤف استأنف الحكم والاغرب ان العقوبه زادت من 7 سنوات الى 15 سنه وده مش مخالف بس للشرع انما للقانون كمان لان زى ما احنا نعرف ان الاستئناف اما يأيد حكم او يعدله والتعديل بيكون بتقليل الحكم مش يزوده
واخت ابراهيم بتقول لاء هى الاميرة اصلا مدمنه وفى علاقه حب قامت بين اخوها والاميرة وان الحكم دا حكم انتقامى وليس حكم شرعى - مرات رؤوف بتقول دا هم الاتنين شافوا حاجه فى القصر وهم بيخرسوهم .....اين كانت الروايه ولو افترضنا ان الروايه الاولى هى الحقيقيه .... ودا واضح انه مش هو ... ولكن هو دا مبررهم للحكم .... اى حكم واى شرع يقول بالكل دا ....دا حد الزنا وهو اقصى حدود الجلد 100 جلدة ودا لانها جريمه يصعب اثبتها .....جلد وسجن عشان خطأ مهنى ؟؟؟؟ دا كلام ؟؟؟دى اهانه لكل معنى لحقوق الانسان وحقوق المصريين فى السعوديه وحقوق الحريات .... فين كرامتنا لما دولتنا تسكت على اتنين من شعبها اتهانوا كل الاهانه دى برة .....عملوا ايه الاتين المسلمين ودلوقتى السعوديه بتعمل علاقه تطبيع مع اسرائيل وراحلهم لحد عندهم ......؟؟؟؟جلد الاتين دول حسيته انه جلد لكل مصرى ..... لحد امته كرمتنا فى الارض .... حتى السعوديه اللى كنت بحسها بلد امنه ... انا عارفه انهم بيعاملوا المصريين هناك باسلوب مش حلو وكنا بنقول معلش نعزر الجهل والتخلف اللى هم فيه وحقارة النفس اللى فيهم ....
انما توصل لانهم يعاملونا على اننا عبيد ؟؟؟؟؟
اى شرع واى دين ؟؟؟؟؟؟
واااااااااه اسلاماه .....
هناك تعليقان (2):
السلام عليكم
نعم نحن عبيد فى ارض الحرم
عبيد لوضع اجبر الجميع على الهروب من بلادنا واحتمال الذل والمهانه فى الغربة من اجل بضعة ريالات
نعم نحن عبيد لان وزراة الخارجيه المعنيه بالدفاع عن مواطنى مصر فى الخارج باتت كمالة عدد مش اكتر
نعم نحن عبيد لان وزارة الخارجيه منذ خروج عمرو موسى منها واصبحت وزارة الصمت المطبق
هذان الطبيبان ليسا البداية
ولن يكونا النهاية
وسترون فيما بعد
بسم الله الرحمن الرحيم
انا لما قرات الخبر ما استغربتش قوى لانه مش هيكون الاول ولا الاخير فى اهانة هوية المصرى فى كل مكان واول الاماكن دى هى بلده نفسها
هننتظر ايه من الدول العربية ولا حتى الغربية وبلدنا نفسها بتهين هويتنا
انا بظن انهم لو عملوا مسابقة على المكان اللى بيوجد فيه ارخص انسان هناخد الجايزة الاولى بلا منافس
انا لسه قارئة خبر عن مهرجان القاهرة وبالتحديد عن ضيفة حضرت على شرف المهرجان وهى الممثلة جوليا ارموند بتقول انها اتفاجائت بمصر لانها كانت فاكرة ان لسه لحد حالا فى مصر عبيد وانها ما لاقيتش حاجة من دى خالص بس انا لاقيت ان اعتقادها الاول كان اصدق مصر مليانة عبيد
عبيد للقمة العيش
عبيد للمحسوبية
عبيد لبيع الاعضاء
عبيد لخدمة الكوسة
عبيد وعبيد وعبيد مصر مليانة لسه عبيد وما اتخلصتش من الرق لسه احنا بنرجع لزمان الرق مش بنتخلص منه
العيب مش على السعودية وبس
ولا العيب على القاضى
القاضى باختصار لو عارف ان المصرى غالى على بلده ولا مقدر اهمية مصر عند السعودية واهمية الحفاظ على علاقة طيبة معاها كان فكر الف مرة قبل ما يحكم بحكم استبدادى واهو على غرار المثل "ال يافرعون ايه مفرعنك ال ما لاقيتش حد يلمنى"
والفراعنة كتروا
لان ما بقاش فى حد يلمهم
والمعنيين صبحوا مخفيين
والمسئولين بقوا مطنشين
وحسبى الله ونعم الوكيل في اللى كان السبب حسبى الله ونعم الوكيل
ودلوقت السؤال ياترى لو الاطباء دول كانوا امريكان ولا من اسرائيل ولا حتى من دول واء الواء ياترى حكم القاضى كان هيكون كام جلدة ؟
محدش هيختلف معايه انهم هيكونوا كام خرزانة على الارض وكام صوت صريخة مزيفة ويفتكر اللى وراء الستارة ان اللى جوه بيذوقوا اشد انواع العذاب !!!
شكرا ياقمر على المقال
إرسال تعليق