بسم الله الرحمن الرحيم
أخي ،،، أختي
فكرت في مره يعني ايه حلم
فكرت في مره يعني ايه تحلم
أكيد فكرت ؟؟
بس أنا هقولك يعني إيه حلم ؟؟
يعني انك تتنفس ،، وتاكل ،،، وتشرب وانت بتحارب علشان حلمك ،،، تعيش حلمك كأنه حقيقه ،،، بتحلم ببيت ،،، شوفوا في كل خطوه
بتحطيها ،،، ارسمه فى عقلك ،،، اوضه ،،، بلكوناته ،،، حتى نوع زيرعنك اللى هتحطها فى البلكونه
حلمك كبير ،،، اتعب علشانه ،،، قسمه مراحل
اقولك على حاجه
شارك حلمك مع غيرك ،،، صديق عزيز ،،، اخت ،، أخ
صدقوني من غير حلم يبقى احنا مش عايشين
والحلم مش هيعيش برضو غير لما احنا نصحيه
والاهم انك مش تتكثف انك تطلب المساعده علشان حلمك
احلم وخلي غيرك يحلم معاك
ليه ما يبقاش حلمك هو بوابة أمل فى الحياه ليك ولغيرك
صدقوني ،،، أعظم الناس اللى عاشوا ،،، كانت أحلامهم هي مصدر عظمتهم
أكثر أهل الأرض عبقريه ،،، سبب عبقريته انه عرف ايه حلمه ،،، وحارب علشانه
هتقولي أحارب هي معركه
أيوه معركه ،،، ومعركه مصيريه
أنا بكلمكم بعد يوم واحد من خسارة معركه لواحد من أحلامي
خسرت المعركه ،،، بس كفايه انى مكونتش سبب الخساره
ومخسرتش كل أحلامي
أحلامي كتير
منها اللى حققته ،،، والاكتر بحارب علشانه
المدونه دي حلم ،،، ومش حلمي لوحدي ،،، علشان انا بحلم ببكره يكون أحسن بايدي وايدك
بحلم ببكره يكون بتاع جيل اتظلم
بحلم أقول للكل لاء ،،، جيلي مش فاشل
وأنا مش فاشل
انتوا ورثتونا ميراث تقيل من الظلم والهوان والاستعباد
واحنا ادينا غيرناه لحريه وعدل وعزه
اللى قبلنا علمونا نمشي جنب الحيط ونقول وانا مالي
واحنا مش هنمشي كلامهم
هنمشي في وسط الشارع
ونصرخ باعلى صوتنا
بكره لينا
بكره بايدينا أحسن
جيل النت الفاشل انجح منكم
جيل النت الفاشل رجالته مش بتوع بنات
وبناته أمهات أحسن من أمهاتهم
أيوه احنا جيل نت
بس بكره بتاعنا
ايدينا في ايدين بعض
نبني مستقبلنا
ونتحدى حاضرنا
وننسف ماضينا المظلم
وبكره هقولكم حلمي
علشان انا محتاج مساعدتكم
محمد السوهاجي
شاب من شباب جيل النت
اللى مش فشله
هناك تعليقان (2):
الله عليك
انا مبسوطة بثورة التفاؤل دى
وفعلا يامحمد احنا مش فشلة لكن الموضوع
كله محتاج مننا صبر وارادة واننا كمان
نلاقى نقطة مشتركة مع الجيل السابق بحيث
كلنا يبقى هدفنا واحد محتاجين نزيل سوء
التفاهم اللى بينا
بجد رائع ما كتبت وانا معاك فى دعوتك
للحلم
مشكوره يا سمسمه على مرورك العطر
الموضوع مش محتاج أكتر من ان الناس تحس
بينا واحنا نحس بنفسنابس
إرسال تعليق