بسم الله الرحمن الرحيم
كلمتي المره دي مش هوجها للناس ذي كل مره
لسببين
الأول محدش بيقرا المدونه إلا أعضاءها وبس
الثاني انى بوجه الرساله دي لاخواتي - حتى لو مكونتش أنا أخوهم - أنين ،طيف ، قائة القلوب ، سلوان ، سهيلة .
ومتأكد إنى هخليهم يقرأوها إذا ما كانش علشاني ، يبقى علشان الذكرى الطيبه اللى بيني وبينهم
حلمي كان اقرب من انه يتحقق
بس للاسف كنت غلطان كتير اوي
كل وحده منكم ليها عالمها ، وليها حياتها
كنت فاكر انى غالي عندكم لدرجة تنسيكم خلافاتكم مع بعض والمصالح الشخصيه والهبل الكتير ومعسكر الاعداء ومعكسر الاصدقاء
بس كنت غلطان
غلطان لأني مش أكتر من عابر سبيل
غلطان لأني حبيت اعمل عالم ، فيه حب وتسامح
غلطان علشان حبيت اتحدى بيكم واراهن عليكم اللى بيقولي انى انسان غريب ، غلطان علشان راهنت على حبكم ليا
وحبكم ليا اثبت فشله
انا مش بستعرض ذى غيري ، كلكم تقريبا عارفين ان المدونه دي محدش بيقراها غيرنا
انا حبيت اكتبلكم رسالتي فى البيت الصغير اللى حبيت اجمكعكم فيه
هفضل طول عمرى مقدرش استغنى عنكم
هفضل طول عمري بحبكم ، واشتاق ليكم
هفضل طول عمرى احلم بشركه صغيره أنين مدير حساباتها ، وطيف مدير الشئون القانونيه ، وسهيله مديرة التخطيط
، وسلوان وكريمه فى السكرتاريه جنبي طول اليوم قدام عيني
انا عارف ان حلمي ده وهم
وعارف انه مش هيتحقق فيوم
حاولت استعجله واحققه بالمدونه دي
حاولت احقق حلمي الكبير انى ابدء اغير فى الناس ، بمساعدة اخواتي
بس للاسف اخواتى رفضوا حلمي
رفضوا يحطوا ايديهم في ايدين بعض
سابوا انسان ضعيف طالب مساعدتهم ، واتفرغوا لمجموعة كلاب كل هدفها في الدنيا مصلحتها والتشهير بخلق الله
معذرة ان كانت الفاظي وتعبيراتى مش كويسه
بس صدقوني ، انا مش هطلب من حد منكم المساعده
ومش عاوز من اى شخص على وجه الارض المساعده
لو همشي فى بلاد مصر اوزع كلامي على الناس
واخبط ع البيوت واكلم الناس في بيوتها
علشان ابلغهم رسالتي
هعملها ، بس مش هطلب من حد منكم يساعدني
مينفعش امد ايدي واحطها في ايد كل واحد منكم لوحده
يا ايديكم كلها تبقى مع بعض تساعدني
يا اما مش محتاج المساعده اللى بتيجي من قلوب ملهاش مكان في قلوب بعض
هفضل طول عمرى احبكم
ومش هقفل المدونه
وهنشر المجله
واوصل صوتى حتى لو لفرد
اختى طيف : شوفت فيكي امنية حياتي ان يكون ليا اخت كبيره
اختى كريمه : شوفت فيكي البنت الجدعه اللى مش بيهمها اى حد وبتقول رايها بصراحه
اختى سهيله : اجمل عقل واكبر قلب شوفته واتمنيت صداقته
اختى سلوان : اجمل ما فيكي شقاوتك واحسن ما فيكي قلبك
اختى أنين : كرهت الاسم ده ، ياريت تغيريه ، لو عشت عمرى كله ادور على كلمه توصف شعورى ناحيتك مش هالاقي
خدوا بالكم من نفسكم ، وهستنى في يوم أسمع منكم انكم بقيتوا ايد وحده ، مين عارف مش يمكن في يوم يتحقق حلمي
الله اعلم
ياريت محدش يعلق على كلامي
ومحدش يناقشني فيه
انا مش زعلان ، ولاحزين
بس ده اعتراف بانى غلطان ، اسف لكل وحده منكم ان كنت في يوم اذيتها بكلمه
كل واحد فيكم له بيت بيحبه ، وانا المدونه دي مبقتش حلمي ، بقت بيتي ، كل واحده منكم ، ليها المكان اللى هى فيها ملكه متوجه فيه
بس لو في يوم احتجتوا التغيير عن جو بيوتكم ، تعالوا هنا ، هاتلاقوا مكانكم محفوظ ، بشرط تيجولي مع بعض
اتمنى لكل وحده فيكم النجاح في حياتها
وتحقيق امالها
واتمنى منكم تدعولي صوتي يوصل للناس
لكل اخواتي
ربي يسعد أيامكم ، ويحقق أحلامكم ، ويقرب قلوبكم من بعض
محمد
ليست هناك تعليقات:
إرسال تعليق