بشكيلك

ازيك هايمنس
وحشتيني
عارفة اني مقصرة في حقك
بس انا طمعانة برده في كرمك
جايه اشكيلك تصوري حتي لما جيتلك جايالك بالشكوي حاجات في قلبي مش لاقية مكان اكتبها ولا لاقية حد اشكيها له غيرك
انا تعبانة وموجوعة وكل يوم فيه احس بوحدتي اكتر جايه اشكيلك قلة حيلتي وغربتي اه من قلة حيلتي كل حاجة حواليه بقيت بتصرخ بقلة حيلتي بتقولي معدش ليكي لازمة في اي حاجة بتقولي انتي مسخ صورة تليفزيون مشوش اوقات الصورة تيجي اشوف نفسي بوضوح اعرف انا مين عاوزة ايه اوقات الصورة تروح ما اشوفش اي حاجة حتي كف ايدي بس في الحالتين برده قليلة الحيلة عايزة مش عايزة ايه الفرق وانا قليلة الحيلة ايه الفرق والناس دايما شكه في نيتي ايه الفرق ما دمت وحدي ايه الفرق حتي اشكيلك او اشكي لغيرك محدش هيقدر يعملي حاجة ولا يساعدني بحاجة مفيش غير كلام وانا تعبانة قوي من الكلام تعبت منه قوي قوي قوي
انا بحبك ياهايمنس بحبك لانك مكاني اللي اتولد علي ايدي الحاجة الوحيده اللي حسيت فيها باني مش قليلة الحيلة