مجرد فضفضة

وحشتينى ياهايمنس

هو ليه ياهايمنس الدنيا ما بقاش ليها اى طعم ليه معدش فى متعة فى اى حاجة ولا سعادة

انا كتير بسال نفسى كده ليه حياتى بتمر بهدوء قاتل مفيش جديد

يمكن ياهايمنس علشان الحب اختفى من حياتى

طيب اوقات كمان بسال نفسى هو انا ليه مش عدت بفرح ان حد مهتم بيه ولا حد بيتقدم لى

ناس كتير بتسالنى ليه وانا نفسى معدتش عارفة

يمكن ياست انى ممكن فى يوم احب تانى

يمكن ياست اصلا من ان اللى زى ممكن يسمحوا لها تحب

هو ليه الحب عيب ياهايمنس عند اهالينا

ليه بيستكتروا علينا اننا نحس بحاجة حلوة نحس اننا ملايكة

وليه حتى حبايبنا معدوش يستحقوا حبنا ولا يقدروه ليه ما بقاش فى حبيب بجد يدافع عن الحبيبة

وعن حبهم ليه بقينا اول ما نضحى بنضحى باحبابنا هو الحب اللى ملازم له التضحية ده كان

كلام وخلاص ياهايمنس وقصص فى الروايات وبس ليه الناس عايزة تتسلى وتحب ومش عايزة تستحمل عذاب

الحب لحد ما يفوزوا بالحبيبة ليه بقه الكل بايع القضية

مش عارفة

بس كل اللى اعرفه ان حياتى بقيت مشوهة ما بقيتش عارفة انا ايه عاوزاه

ودى مش رسالة متشائمة لانى مش بنتظر حاجة وما جيتش انا مشكلتى انى بطلت حتى انتظر اى حاجة

وما بقيتش عارفة انا عايشة علشان انتظر ايه

دى مجرد فضفضة ياهايمنس منى ليكى يا اجمل عش صغير بنيته