بسم الله الرحمن الرحيم
بكره أكيد إن شاء الله أحسن . عارفين ليه علشان احنا عاوزين كده ، أحمد وابراهيم ومينا
وبيتر وفاطمه وكريستين كلنا عاوزين بكره احسن ، احنا جيل اتظلمنا من قبل ما نخرج
للنور ، ومحدش هيرفع الظلم ده عننا إلا إحنا، بس برضو مش بالمظاهرات والتهيليل
ويسقط معرفش مين ويحيا معرفش مين برضو ، التغيير لازم يبدأ بالحلم ، والحلم مش
هييجى الا لما نفهم الدنيا حوالينا ماشيه اذاىورايحه لفين .
تعالوا نحط ايدينا فى ايدين بعض ونحلم بواحد مننا رئيس جمهوريه ، بس قبل كده لازم
يكون حلمنا كبير أكبر من أى حاجه ، حلمنا مش لبكره ولا لبعده ، حلمنا لازميكبر فينا
ونعلمه للجى بعدينا ، حلمنا لازم يكون لابني وابنك وبنتي وبنتك ، لازم الاولنصلح الغلط
اللى فينا .
يلا كلنا نقول بكل صراحه ايه الغلط ؟ وازاى نصلحه ؟
هناك 3 تعليقات:
السلام عليكم ورحمة الله وبركاته...
شكرا لمحمد لانه ساهم بكل مجهوده فى ظهور المدونة والمجلة الى النور
سطورك يامحمد فكرتنى بمقولة بتقول "ان الذين يعيشون وفى اذهانهم انه ليس هناك غد افضل فانهم لا يجدون هذا الغد ابدا حين يصلون اليه لانهم لم يؤمنوا به منذ البداية ولم يتمسكوا بالامل فيه"
وطالما احنا مؤمنين باننا نستحق غد افضل فاحنا هنلاقيه باذن الله بس الاول لازم احنا نستحق الغد ده لازم نشتغل على نفسنا علشان نصبح شعب افضل لغد افضل (ان الله لا يغير ما بقوم حتى يغيروا ما بانفسهم) صدق الله العظيم
اذن مهمتنا اللى لازم نعيش علشانها هى اننا نغير افكارنا ومعتقداتنا السلبية لاخرى ايجابية ننهض بهذا الشعب بهذا الجيل وبالجيل القادم نمهد حياة جديدة نظيفة لاولادنا واحفادنا فى المستقبل
اتمنى معك اخى العزيز ان تنجح تلك المجلة التى نذرناها لحب الله وطاعته وبنية صادقة ان تنجح فى اصلاح ولو انسان واحد فقط ..
شكرا لك مرة اخرى مع دعواتى بالتوفيق والثبات
الله عليك يا مبدع
الاول هاقولك مبروك عليك وعلينا المجله
وتانى حاجه هاقولك بايدنا احنا مش بايد غيرنا هانعلى ونكبر و نبنى مستقبل و لادنا وحياتنا معاه مش هانكدب ونقول حياتهم بس انما بمجرد ما نشوفهم بخير هانتاكد اننا بنينا مستقبلنا وحياتنا احنا كمان
حقيقى كنت بكره اوى لما بنقعد نقول فلان سياسى مش اوى وعلان سياسى زى الزفت وده بينصب علينا وده بيستغلنا وده بياكل حقوقنا طيب كل ده نغيره ازاى ؟؟؟
نروح نعمل مظاهره ونتبهدل وبرضه مفيش حاجه هاتتغير ؟؟
ولا نحاول نغير من انفسنا علشان يمكن لما نتغير احنا كاشعب الحكومه تتغير ؟؟
ده طبعا املى وامل الكل ان كل واحد ياخد حقه مش بالغصب انما بالحق
وبمجلتنا دى متهيالى هانبتدى اول خطوه علشان نقول احنا مين ! وناقصنا ايه ! وحقنا فين !
عجبتنى المقدمه اوى يا محمد
وبقولك احنا معاك باذن الله وان شاء الله هانكون احسن ونبنى بكره اجمل لينا ولولادنا ولحياتنا
تحياتى
طيف
اخواتي الغاليين ياسمينه وطيف
بداية مش عارف اوصف مدى سعادتىبوجودكم معايا
ثانيا ربنا يجعل عملنا ده خالصا لوجهه الكريم
ويرزقنا الثبات والابتعاد عن المشاكل
إرسال تعليق