مش عارفة لامتي وكل سنة في نفس الميعاد هنفضل نقول سنة سعيدة وتطلع سنة زي اي سنة قبلها ويمكن اسوا قلت اقول المرة دي سنة "مهينة" يمكن تفضل ماشية بالتاثير العكسي وتبقي سعيدة
صدقوني انا مش متشائمة انا بس بقيت واقعية
بما اني بؤمن ان كل واحد قادر يحقق السعادة لنفسه بمشيئة الله طبعا فانا اؤكد لكم انها هتبقي سنة اخري مهينة الا لو غيرنا من صورتنا اللي اتقلبت من الكرامة للمهانة امبارح وصلتني رسالة بتقول سنوحد الدعاء الليلة لاهل غزة انهي دعاء بس جاتنا نيلة جتنا خيبة محبشة بالويبة بالذمة وانت رافع ايدك لربنا وبتدعي علي اسرائيل ما بتحسش بالخجل من نفسك يا اخي ويا اختي لا يغير الله ما بقوم حتي يغيروا ما بانفسهم وانت وانتي غيرتي ايه بنشوف الاخبار والمصايب من حوالينا ونبكي بدموع اثيمة اكتر منها بريئة هنقعد نقول ده ظلم وعدوان ونشتم في فلان وعلان ويومين هتاخدنا ثورة الكلام وبعدها علي همومنا نرجع ننام
وننسي
ننسي غزة ننسي العبارة ننسي الدم الملوث الفساد الاهمال
مش ده اللي بنعمله
باي حق بنطلب نجدة ربنا واحنا بنبيع القضية ونوقع بالبنط العريض بعدم التعرض لها بعد نوبة العويل ما تنتهي
باي حق بتدعوا بس اخجلوا من نفسكم
ادعوا ربنا يوقظنا من غفلتنا يورينا طريقنا لكن ندعي بالنصر بالنتيجة قبل الاخذ بالسبب فهذا هو الطمع بعينه
وانا بشوف دموع الاطفال في غزة وصرخاتهم المدوية في مصر سواء بقه بسبب الضرب علي يد مدرس متوحش او الموت بسبب مدرسة مهملة او التشرد في الشوارع او او لاول مرة في حياتي الاحظ ان مفيش فرق بين اللي بيموتوا هناك واللي عايشين هنا كلنا ميتين في حياة مهينة واوضة الانعاش قافلينها بالضبة والمفتاح لان الانعاش عاوز ارادة حرة واحنا للاسف ارادة مسلوبة مش بس الشيطان اللي بيشدنا زي البقر لفعل المعاصي لا ده بقه في كتير غيره بيجرنا وبوعي منا مش غفلة لاول مرة في حياتي اخاف في يوم احمل بين احشائي طفل يجي لهذا المجتمع الضائع الذليل لاول مرة احس انه كل حضاراتنا وانتصاراتنا لن تشفع ولن تسمن من جوع حين يسالني طفلي ماذا فعل العرب؟ فتهاوننا في ذاك العصر محي كل عزة لنا من قبل نعم لن ارتكب تلك الكارثة واحضر طفل اخر برئ ليعاني وسط ذاك المجتمع الاثم القاسي الذي قتل معني الطفولة ورسخ الشيب والعجز في كيانات البكورة
صدقت ياعمنا جاهين حين قلت
لو في سلام في الارض وطمان وامان
لو كان مفيش ولا فقر ولا خوف ولا جبن
لو يملك الانسان مصير كل شئ
انا كنت اجيب للدنيا ميت الف ابن
عجبي!!!
ياسمينه
صدقوني انا مش متشائمة انا بس بقيت واقعية
بما اني بؤمن ان كل واحد قادر يحقق السعادة لنفسه بمشيئة الله طبعا فانا اؤكد لكم انها هتبقي سنة اخري مهينة الا لو غيرنا من صورتنا اللي اتقلبت من الكرامة للمهانة امبارح وصلتني رسالة بتقول سنوحد الدعاء الليلة لاهل غزة انهي دعاء بس جاتنا نيلة جتنا خيبة محبشة بالويبة بالذمة وانت رافع ايدك لربنا وبتدعي علي اسرائيل ما بتحسش بالخجل من نفسك يا اخي ويا اختي لا يغير الله ما بقوم حتي يغيروا ما بانفسهم وانت وانتي غيرتي ايه بنشوف الاخبار والمصايب من حوالينا ونبكي بدموع اثيمة اكتر منها بريئة هنقعد نقول ده ظلم وعدوان ونشتم في فلان وعلان ويومين هتاخدنا ثورة الكلام وبعدها علي همومنا نرجع ننام
وننسي
ننسي غزة ننسي العبارة ننسي الدم الملوث الفساد الاهمال
مش ده اللي بنعمله
باي حق بنطلب نجدة ربنا واحنا بنبيع القضية ونوقع بالبنط العريض بعدم التعرض لها بعد نوبة العويل ما تنتهي
باي حق بتدعوا بس اخجلوا من نفسكم
ادعوا ربنا يوقظنا من غفلتنا يورينا طريقنا لكن ندعي بالنصر بالنتيجة قبل الاخذ بالسبب فهذا هو الطمع بعينه
وانا بشوف دموع الاطفال في غزة وصرخاتهم المدوية في مصر سواء بقه بسبب الضرب علي يد مدرس متوحش او الموت بسبب مدرسة مهملة او التشرد في الشوارع او او لاول مرة في حياتي الاحظ ان مفيش فرق بين اللي بيموتوا هناك واللي عايشين هنا كلنا ميتين في حياة مهينة واوضة الانعاش قافلينها بالضبة والمفتاح لان الانعاش عاوز ارادة حرة واحنا للاسف ارادة مسلوبة مش بس الشيطان اللي بيشدنا زي البقر لفعل المعاصي لا ده بقه في كتير غيره بيجرنا وبوعي منا مش غفلة لاول مرة في حياتي اخاف في يوم احمل بين احشائي طفل يجي لهذا المجتمع الضائع الذليل لاول مرة احس انه كل حضاراتنا وانتصاراتنا لن تشفع ولن تسمن من جوع حين يسالني طفلي ماذا فعل العرب؟ فتهاوننا في ذاك العصر محي كل عزة لنا من قبل نعم لن ارتكب تلك الكارثة واحضر طفل اخر برئ ليعاني وسط ذاك المجتمع الاثم القاسي الذي قتل معني الطفولة ورسخ الشيب والعجز في كيانات البكورة
صدقت ياعمنا جاهين حين قلت
لو في سلام في الارض وطمان وامان
لو كان مفيش ولا فقر ولا خوف ولا جبن
لو يملك الانسان مصير كل شئ
انا كنت اجيب للدنيا ميت الف ابن
عجبي!!!
ياسمينه
ليست هناك تعليقات:
إرسال تعليق