بسم الله الرحمن الرحيم
مجلة هايمنس انا حر حلم جميل ،،، بجد حلم جميل
ليه منكونش احنا اللى بنغير للاحسن
ليه مش احنا اللى نبدأ بالصح ،، ليه نستنى غيرنا
ليه نمقولش انا مش غلطان علشان اسوى واعمل
وليه وليه .......... مش هنخلص من الكلام
المهم حلمي بسيط جدا
عيله وحده كبيره ،، عيله اسمها مصر ،، اسمها امه عربيه وحده
الخليجيين بيكرهونا ،،، ليه طيب ؟
ما تيجوا نصالحهم احنا
طيب بلاش متزعلش نفسك ياعم مش هنصالح الجماعه دول وحشين خلينا بعيد عنهم
تيجوا نبدأ بنفسنا
نصالح بعض
بلاش نزعل من بعض
من النهارده نفتح صفحه جديده
نتشارك فى نفس الحلم
البسيط ... نبقى ايد وحده
كتيره دي
بلاش نبقى ايد وحده
نبقى ايدين فى ايدين بعض
نعلم نفسنا اذاى نحب
ونعلم غيرنا ايه هو الحب
نسامح ؟؟؟
هاتقولي فيه حاجات مش ينفع نتسامح فيها
طيب بلاش تسامح ،،، انا هعتذرلك بالنيابه عن اللى عمل معاك حاجه مش كويسه
جرحك
هو حمار ومش بني ادم
طيب وانت ،، مش بني ادم
بس ده اذاني
ماشي ياعم ،، هو يستاهل ضرب الصرم .
ولو انت ضربته بالقديمه محدش هيزعل منك
بس تعالى افكرك بكلام ربنا .
ومتقوليش ياعم احنا بشر ، ماهو ربنا مش بيقول الكلام ده للملايكه بيقولهولك انت .
هتقولي قول وخلصني
مش قايل حاجه غير لما تصلي على حبيبك وبنفس ومش تتنرفز
شوف ربنا بيقول ايه (( والكاظمين الغيظ )) قول معايا قد كظمت غيظي
الله ينور عليك
(( والعافين عن الناس )) قول بئه انت عارف هتقول ايه وانا عارف انك بتحب ربنا ومش هتزعله منك .
شوف بئه ده فيه كمان
(( والله يحب المحسنين )) يالله
شوفت ربنا بيحب مين ،، مش الغاضبين ،، ولا المنتقمين ،، لا بيحب المحسنين ،، من احسن الى من اساء اليه
شايف فى عنيك لمعه غريبه ،، اه انت كده فى السكه الصح
متفتكرش انى بعلمك ،، لالالا ،، انا زيي زيك بجاهد نفسي علشان اتغير
شوفت ان كل الناس زي بعض
شوفت اذاى ان الصلح خير
بلاش تخلي قلبك اسود ،، اغسله بمسحوق رباني ،، اسمه الدعوه للتسامح
عاوز تشاركني حلمي
اتفضل
هسيبلك المكان وامشي
عارف ليه
لان هدفي مش المجله ،، ولا المدونه ،، هدفي انت ،، ايوه عاوزك تسامح ،، وتعلم الناس اذاى تحب بعض
لو مصدق كلامي واقتنعت مش عاوز تعليق منك
بس اتغير من النهارده
ولو ما اتغيرتش
استنى اول عدد من مجلة انا حر
يمكن لما تشوف حلمي يعجبك وتيجي تحلم معايا
امتى اول عدد
اه شكلك بتتريق
براحتك ،، بس هفكرك لما تيجي وتقولي انت على حق
وبرضو هقولك امتى اول عدد
استنوني يوم 1 فبراير
وبالعافيه هتقروه
ولو حتى جيت لكل واحد في بيته
وفتحتله المجله عافيه
هعملها
علشان انا ناوي اول عدد يكون اجمل وافضل عدد
مش هيبقى فيه غير حكايه وحده
حدوته كلنا هنحكيها
اسمها
الحب ... التسامح .. الاسلام ... فوق كل حاجه
ولما تشوف ياسمينه بقلبها الابيض بتكتبلك عن التسامح
ومروه بتقولك ما انت لو مش هتحب الناس بالذوق هوريك
وكريمه ماسكه ودانك وبتقولك المسامح كريم
واخوك الفقير الى الله ماسكك وبيقولك ابوس ايدك حس شويه ومتكثفنيش قدام الناس ديه
هاتقولي مين دول
هقولك دول البذره
دول الاصل
بس فيه مفاجاه مش هقولهالك
علشان العدد ده عدد ساخن جدا
درجة حرارته بمشيئة الرحمن هتبقى مليون درجة حب مئويه
بالله عليك
ما تبخلش عليا بالثواب ده
بثواب انك تقرا العدد
وتقولي جزاكم الله كل خير
هقولك الميعاد تاني حتى لو انت مش مهتم
1 فبراير 2009 مع العدد الخاص
عدد الحب والتسامح
الفقير الله
محمد السوهاجي
من اضعف خلق الله
هناك تعليق واحد:
الله عليك يامحمد
انا اول واحدة مشتاقة للعدد ده وعاوزة اشوفه بيطلع للنور
بجد مبسوطة ان ميعاد الميلاد قرب ومولودنا الجميل هيجى للدنيا
ربنا يوفقنا جميعا
إرسال تعليق