النهاردة هقدم لكم وصفات بسيطة وسريعة ممكن نعملها كل يوم للعناية بجمال كل بنوتة
بالنسبة لليدين :
ممكن تدهينيهم بزيت اللوز الدافى ثلاث مرات يوميا وعلى فكرة الوصفة دى لخشونة اليدين والكوعين كمان والاهم
من كل ده انك تهتمى بترطيب بشرتك وتحاولى تدهنيها بكريم مرطب اى كان نوعه المهم انه مناسب ليكى للحفاظ
على رطوبة البشرة بعد استعمال الماء وافتكرى انك لما بتسيبى بشرتك جافة بتسمحى للخشونة تتكون على جلدك
بالنسبة للوجه:
برده كعلاج يومى وسهل جدا هو ان تدهنى شوية لبن على وشك وتسيبيهم فترة لحد ما البشرة تمتصه وتغسليه
الوصفة دى بتضفى على بشرتك نضارة وبياض
وفى كمان ماسك ممكن تعمليه يوميا وهو الخميرة باللبن عن طريق اذابة بعض الخميرة فى اللبن وتسيبيه على وشك
ربع ساعة وبعدين تغسلى بالماء البارد
واخيرا حاولى تمررى مكعب من الثلج يوميا صباحا ومساءا بحركات دائرية على وجهك لان ده بيضفى عليه
نضارة وبيشد البشرة وكمان بيعمل على تحريك الدورة الدموية
بالنسبة للشعر:
تمشيط الشعر مهم جدا يوميا وان كان غسل الشعر يوميا يضر به الا ان تمشيطه يوميا امر لا غنى عنه ويفضل استخدام مشط خشبى
كمان التغذية واكل الخضروات والفاكهة معروف انه مهم جدا وكذلك استقرار الحالة النفسية
الزيوت عادة بتكون القشرة فلا تكثرى من وضعها يوميا
اغسلى شعرك من الفروة جيدا عن طريق تدليك فروة شعرك باصابع يديكى لمدة عشر دقائق
فى وصفات كتير جدا للشعر لكن فى بنوتات بتستعجل وبقولهم ان علاج الشعر عاوز صبر منا وبياخد وقت
اختارى وصفة مناسبة ليكى ولميزانيتك وواظبى عليها ففى مثلا وصفتين نجحوا جدا ومضمونين
الاولى هى الثوم المدقوق مع زيت الزيتون مع صفار بيضة اخلطيهم وحطيهم على شعرك لمدة ساعتين ودى ممكن تعمليها مرتين كل اسبوع
الثانية وهى النخاع بتجيبى النخاع من عند الجزار وتسيحيه على نار هادية لحد ما يبقى زيت وتحطيه على
شعرك لمدة يوم كامل بس مش تنسى تحطى بونيه علشان الرائحة واغسليه كويس بالشامبو والوصفة دى ممكن تعمليها كل شهر ومفيدة جدا جدا للشعر
بالنسبة للاظافر:
تناول عصير الخيار يوميا يكسبها جمال وصلابة كمان ما تنسيش الكالسيوم والغذاء الكامل
احرصى على تهذيبهم وقصهم جيدا حتى لا تتكون الميكروبات
مزيج زيت اللوز والزيتون مفيدين فى تقوية الاظاهر فحاولى تدهنى اظافرك بهما قبل النوم
بالنسبة للساقين :
ممكن تدهنى يوميا بعصير الليمون وبعد ما البشرة تتشربه وتغسليه تدهنى فازلين طبى
بالنسبة للقدمين:
اولا لازم تهتمى بقص اظافر قدميكى وتنقعيهم يوميا فى ماء ساخن مذاب فيه القليل من الملح وبعد ما تغسليهم تدهنى
فازلين طبى وتلبسى شراب نظيف قبل النوم وتغسليه الصبح
بالنسبة للعينين:
اسهل واسرع طريقة لتخفيف الارهاق عن العينين هو وضع شرائح من الخيار وفركها على الجفن وابقاء العينين
مغلقتين لمدة دقيقتين وبعد كده نغسلهم
بالنسبة للشفتين :
طبعا زبدة الكاكاو قبل النوم لترطيب الشفايف
لجمال الجسم وتنعيمه:
الحمام الدافىء والبارد كلاهما مفيدين جدا للجسم واهم شىء الاسترخاء والاستمتاع بالحمام وممكن بعد الحمام
تحطى لوشن خاص
زيت اللوز والزيتون ليهم برده اهمية فى تنعيم البشرة وممكن تضيفيهم لحمامك
وفى وصفة جميلة وهى انك تخلطى خمس معالق كبيرة زيت زيتون مع معلقة صغيرة ملح وادهنى بيه جسمك
وافتكرى دائما ان الجمال نعمة من ربنا ومفيش بنت وحشة بس فى بنت بتعرف تهتم بجمالها وفى بنت بتخمده باهمالها
اتمنى لك جمال دائم وصحة زى الحديد باذن الله
هناك تعليق واحد:
جميله جدااااااااااااااااااا ياحموئه تسلم ايدك يارب
إرسال تعليق